Кога и да се појави приказна за трансродови луѓе во медиумите, новинарите и публиката најчесто се фокусирани на тоа што се наоѓа ,,помеѓу нозете’’ на една личност, таков беше и случајот со Carmen Carrera и Laverne Cox при нивниот настап во Katie Couric Show.
Но еден транс уметник од Торонто, има намера да ја покани публиката во сопствената документирана транзиција.
Wynne Neilly, наградуван фотограф, кој специјализирал во работата со портретирање и испитување на човековата комплексност од аспект на родовото изразување, ја искористил приликита од едно-годишната транзиција, откако започнал со хормонската терапија. Резултатот од ова работа е неговата уметност, овој пат како проект насловен Female to Male – проект на себе-портретирање со неделни фотографии, снимени промени во гласот, како и документи или други објекти кои го претставуваат неговото родово испитување.
Овој интимен поглед во неговото искуство ја документира психолошката, физичката и медицинската промена која се случувала за време на транзицијата. Процесот на транзиција е различен за секоја индивидуа, но најчесто процедурите траат по неколку години, заморни закажувања кај лекарите, како и голема сума на пари. Имено, процесот може навистина да биде емоционално и психолошко исцрпување.
,,Мојата цел беше да придонесам кон видливоста на различните транс искуства. Апсолутно, не можам да создавам уметност за секое транс лице, но можам да создадам нешто што ќе зборува за моето сопствено патување’’ изјавува Neilly за Мic. ,,Се надевам дека луѓето ќе анализираат, и затоа би ми значело ако тие го проценат проектот во целина, но и сите детали како сегменти од изложбата.’’
Neilly истакна дека процесот е навистина интимен, но тоа не претставувало посебна пречка. Тој го започнал проектот за себе, за да има визуелен запис за сите промени низ кои поминувал. Откако го започнал својот проект со фотографии, Nailly дознал дека неговата работа е проследена и од Ryerson Image Centre во Торонто. ,,Ова внимание на проектот ми помогна да се подготвам ментално, за споделување со публиката’’ изјавува тој.
Во насловите на сериите фотографии, Neilly користи различни извадоци и цитати кои го содржат зборот ,,маж’’, кои упатуваат на флуидноста на неговиот идентитет. Неговото тело и род се конструкции на начините на кој тој се доживува себеси, како и на квир искуството кое го живее. Neilly верува дека транс идентитетот не е само премин од еден пол/род кон спротивниот, туку е дел од постојана еволуција.
Neilly го споделува својот проект Female to Male низ изложбата која се отвори на 23 јули во Ryerson Image Centre. Преку неговата уметност, Neilly се надева дека луѓето ќе разберат дека транзитирањето е навистина предизвикувачки процес.
,,Имам изложено многу различни документи, писма, медицински белешки, кои беа дел од тој процес, и кога гледам во нив како целина, се чувствувам помалку заморено од тоа колку може да биде тежок пристапот до медицинска грижа понекогаш’’ изјавува Neilly. ,,Се надевам дека посетителите ќе имаат подобра перспектива за тоа како јас го чувствував процесот’’.
Извор: http://mic.com
