Јавното искажување на хомофобија ќе се криминализира во Кипар

Министерството за правда на Кипар се подготвува за измени на кривичниот законик, со цел да го криминализира јавното искажување на хомофобија.

Тековниот закон вели дека е кривично дело јавно да се промовираат дискриминирачки акти на насилство кон луѓето со различна боја на кожа, раса, религија, националност или етничко потекло. Не содржи експлицитни одредби во однос на хомосексуалците, но измените имаат цел да го покријат овој проблем.

Шефот на анти-дискриминационото тело, Аристос Картас, ги поздрави вестите, велејќи дека тоа бил нивен предлог.

„Додавањето на оваа одредба е многу важен чекор напред и н? радува што министерството го промовира“, изјави Картас.

Но во општеството с? уште има многу работа пред сосема да се искоренат стереотипите.

„Иако ова е голем скок во вистинската насока, ние исто така веруваме дека треба да се дозволат регистрирани партнерства. Се бориме за ова веќе подолго време“, рече тој.

Според Картас, по предлогот неодамна се донела одлука, но не бил сигурен кога ќе може да стапи на сила.

Извештаите велат дека според измените, ќе се криминализира делото на јавна закана од едно лице кон друго лице, врз основа на неговата сексуална ориентација, на вербален, пишан или илустриран начин.

За такво дело би следувала казна затвор до три години, или парична казна до 5.000 евра, или и двете.

Извор: http://cyprus-mail.com/2013/10/08/public-displays-of-homophobia-to-be-criminalised/