Претседателот на Црна Гора го поддржа претстојниот Собир на гордоста во Подгорица

Претседателот на Црна Гора, Филип Вујановиќ денес одржа состанок со претставници на ЛКБТИК Асоцијацијата Квир Монтенегро, предводена од Даниел Калезиќ, Претседател на Управниот одбор на Асоцијацијата која е организатор на првиот Собир на гордоста кој ќе се одржи во Подгорица, на 20 октомври.

Г-н Калезиќ го информираше Претседателот за тековните активности на Асоцијацијата, со посебен акцент на концептот на организирање на најавениот Собир на гордоста. Посебно значење му беше посветено на безбедносниот аспект и на поддршката од претставници од Владата на Црна Гора во организирањето на Собирот на гордоста, со цел да се заштитат човековите права на ЛГБТИК популацијата.

Претседателот Вујановиќ изјави дека почитувањето на правото да се биде различен/а, како и превенирањето на сите облици на дискриминација е суштината на едно толерантно општество, која мораме заедно да ја промовираме, особено меѓу помладите генерации. Во исчекување на толерантниот став кон претстојниот Собир на гордоста во Подгорица, Претседателот изјави дека тој е уверен дека надлежните државни тела ќе ги преземат сите напори за да го обезбедат правото на мирно изразување на овие разлики.

Забележуваме дека Собирот на гордоста, организиран од страна на Квир Монтенегро е поддржан од, покрај Претседателот на Црна Гора, и од бројни локални и регионални невладини организации, политички партии, Министерството за човекови и малцински права, Министерството за труд и социјална политика, Министерството за внатрешни работи, Министерството за надворешни работи и европска интеграција и од институцијата на Народниот правобранител на Црна Гора.