ФРИК Фестивал бр. 5

6-8 ноември, 2013, во МКЦ, Автономен културно социјален центар и Камарите (Дебар маало)

Петтото издание на ФРИК Фестивалот е исполнет со бројни уметници кои самоиницијативно и ентузијастички се вклучуваат, да говорат и да споделат дел од своето парче во мозаикот, наречен град. Парче од својот дух, материјализиран во фотографија, аудиовизуелни инсталации, музика. Посебна радост и задоволство е допринесот на децата од колективот Ветерница чии изработени маски ќе ги откријат нашите крути и неподвижни лица. Тие лица се замрзнати во фотографијата на шармантниот Лука Донини,  а рефлексијата од нашиот град низ погледот на Ема Сабо. Фестивалот ќе трае три дена на повеќе локации низ градот.

Отворањето е на 6 ноември, среда , 20:00, во Младинскиот културен центар со последното остварување на Тома Димовски, звучна инсталација насловена Тома Димовски и неговите пријатели. Настанот е своевиден перформанс, т.н. jam session каде учество ќе земат Јордан Костов-хармоника, Бојан Иванов-гитара, Костас Теодору-перкусии и Тома Димовски. Истиот ден во Фоајето на Кино Фросина во 21:00 ќе ја отвориме изложбата на фотографии на Ема Сабо од Србија, насловена Hide.Me.Somewhere.Safe. Во својата работа Ема се занимава со поимите на идентитет, припадност и конечност. Од 21:30 во Фоајето пред Кино Фросина ќе се оддржи концертен настап на три македонски бенда, Eclectic, Fusnota и Project 2501.

Следниот ден, на 7 ноември, во 20:00, во новоотворениот Автономен културно социјален центар ќе ја отвориме изложбата на Лука Донини од Италија и проекција на неговиот филм Walking. Во истиот центар, во 20:00,  во една од просториите ќе биде поставена интерактивната амбиентална инсталација „Персонална утопија“ на Тони Димитров.

Последниот ден, 8 ноември, ќе започне со работилница во Колективот Ветерница во 18:00, насловена Погледни си ја маската, чии маски ќе бидат употребени за концептуалната забава под маски No Gender No Stress во Камарите. Програмата започнува во 20:30 со селекција на видео арт МИКРОАРТ (Белград) и FRIK DARK ROOMS, настап на Post global trio (Тони Димитров, Димитар Додовски, Мартин Георгиевски), Дабнотик DJ сет и Соња Исмаил.

Повеќе информации на www.frik.mk.