Религијата не е пресудна во вршењето на јавна работа

Американскиот Врховен суд одговори на жалбата од страна на службеничка од Кентаки, која одбила да достави извод од матична книга на венчани, бидејќи истополовите парови кои стапуваат во брак не биле прифатливи за нејзините религиозни убедувања. 

Одлуката на Врховниот суд е дека нема да се промени одлуката на понискиот суд и судијата Дејвид Банинг кој одредил дека службеничката Дејвис треба да издаде таков документ кога тоа е побарано од неа, независно од полот на партнерите. Овој петок, адвокатот на Дејвис реагирал до Врховниот суд, со аргумент дека таквото „присилување“ да се издаде документот е во спротивност со уставно загарантираните права.  

Адвокатот на Дејвис пред врховната судика Елена Каган изјавил дека Дејвис е „посветена христијанка“ и дека лојално и доверливо била службеничка околу 30 години. Од судот на тоа вратиле дека Дејвис всушност бара „азил за нејзината совест“, односно укажале на тоа дека избраните службеници не можат да имат апсолутна слобода на верско уверување при вршењето на јавна работа.  

Судиката Каган одлучила да го испрати случајот на целосно разгледување. Според процедурата Дејвис би требало да добие согласност од барем три судии за да се спроведе нејзиното барање, но не успеала во тоа, така што била одбиена.  

Извор: www.thenewcivilrightsmovement.com