Светска здравствена организација ќе ја тргне трансродовоста од листата на ментални болести

Светската здравственa организација (WHO) најави дека до 2018 година трансродноста веќе нема да се наоѓа на листата на ментални болести. Ова агенција за јавно здравство при Организацијата на обединетите нации одлучи да ја воведе спомнатата промена во склоп на ревизија на категоризациите на ментални болести, која се одвива веќе 20 години.  

Одлуката е поттикната и од истражувањето објавено во The Lancet Psychiatry, каде што резултатите покажуваат дека транс идентитетот не би требало да се дијагноситцира како ментална болест. 

„Дефинирање на трансродовоста како ментално пореметување често доведува до скратувања на правата на транс луѓето во врска со здравствените услуги, а воедно создава и перцепција дека тие треба да бидат подложени на психијатриски терапии“ вели Џефри Рид, од тимот на оние кои го воделе истражувањето.

Тој е воедно вклучен и во работата на СЗО на новата категоризација на ментални болести, и посочува дека во рамки на организацијата не постојат никакви спротивставувања во врска со ова одлука, пишуваат ScienceAlert.

Во истражувањето кое е спроведено со вклученост на 250 транс луѓе, на возраст од 18 до 65 години, утврдено е дека транс луѓето често се соочуваат со стрес кој е предизвикан од отфрлање и предрасуди од околината, повеќе заради своите негативни емоции во врска со нивниот трансродов идентитет. 

Како следен чекор што треба да се преземе, во врска со категоризацијата на меѓународната листа на ментални болести, е проценето дека вакво истражување треба да се направи во различни држави. 

Иако новата категоризација нема преку ноќ да ја промени негативната перцепција за транс луѓето, сепак ќе помогне во борбата за нивните права. 

Извор: hwww.crol.hr