Словенечкиот парламент, вчера, со убедливо мнозинство го усвои новиот закон за брачните заедници и семејните односи со кој на истополовите парови ќе им бидат гарантирани истите права како што им се гарантирани и на хетеросексуалните парови, и така лезебејките и хомосексуалците ќе имаат можност да се венчат пред матична служба, да наследат имот од својот/јата партнер/ка, како и да посвојуваат деца. Законот, исто така, го редефенира поимот семејство како животна заедница „на две лица“, без да се споменува полот.
Во текот на шест саатната расправа во словенечкиот парламент, неколку илјади граѓани протестирале против таквиот предлог, и меѓу нив биле генерално религиозни групации кои ценат дека можност за посвојување деца од страна на истополов пар ги загрозува правата на детето.
„За“ законот изгласаа 51 пратеник, како членови на три партии кои се дел од владејачката коалиција и две партии од опозицијата, додека „против“ законот изгласале 28 пратеници од редовите на демо-христијанската Нова Словенија, како и партијата на Јанез Јанша – Словенска демократска партија.
Противниците, пак, истакнуваа дека новиот закон радикално посегнува по општествените и семејните односи и правата на малцинствата со тоа се ставаат пред интересите на децата, илустрирајќи дека од сега хомосексуалните парови ќе можат да посвојуваат деца, додека тоа нема да може да го прават бабите и дедовците.
Образложувајќи го својот глас, првиот опозиционер и бивши премиер Јанша цени дека левицата донела такво законско решение за кое недостасувала расправа, и по скратена постапка, иако семејството има основно значење за општеството.
Во време на владеењето на Јанша, беше донесен закон кој овозможуваше регистрација на истополовите парови, но без пошироки права за таквите заедници. Додека за време на владеењето на Пахор како премиер, беше донесен сличен закон како тој што беше изгласан вчера, но без можност истополовите парови да посвојуваат деца, иако истиот закон подоцна падна на референдум.
За време на пленарната седница, пред словенечкиот парламент и на повик на некои граѓански здруженија и верски заедници кои „се исплашени“ за иднината на традиционалното семејство, беше организиран собир на неколку илјади граѓани кои најавија дека ќе се обидат таквото законско решение да го оспорат преку референдум.
Референдумот може да биде опција ако во рок од една недела се соберат иницијални 4000 потписи, доколку истата постапка не ја забрани Устаниот суд, заради можноста од тоа резултатот да ги крши уставните и законските права на едно малцинство. Против законот, преку референдум, може да реагираат повеќето од оние кои биле дел од вчерашниот собир, но и најмалку 20% од вкупниот број на граѓани со право на глас.
Извор: www.jutarnji.hr
