Србија се обврзува правно да го регулира статусот на истополовите парови

Со пресудата на Европскиот суд за човекови права (ЕСЧП), во случај на три геј парови од Италија, Србија – како членка на Советот на Европа – има обврска правно да го регулира статусот на истополовите парови, стои во соопштението на невладината организација Civil Rights Defenders. Во случајот Олиари и други против Италија, ЕСЧП заклучи дека според Европската конвенција за човекови права, на подносителите на апликацијата им е повредено правото на приватност, затоа што барањата на трите геј пара да се регистрираат се одбиени, и покрај тоа што во некои италијански општини постои можноста од симболична регистрација на такви заедници.

ЕСЧП во своите заклучуци наведува дека членките на Советот на Европа треба да го регулираат статусот на истополовите парови, без оглед на тоа дали начинот ќе биде: регистрирање на партнерства, цивилни партнерства или било која друга форма која е соодветна.

Уставот на Србија, во членот 18 предвидува дека човековите и малцинските права непосредно се применуваат и толкуваат согласно со важечките меѓународни стандарди, како и со праксите на меѓународните институции кои го набљудуваат спроведувањето на таквите стандарди. 

Во таа пресуда на ЕСЧП, Судот покажа дека го поддржува ставот на Уставниот суд на Италија кој заклучил дека италијанското сообрание мора правно да го регулира статусот и заедниците на истополови партнери кои de facto постојат, и дека легализацијата на овие заедници на ниту еден начин нема да претставува оптеретување на Италија.

Извор: labris.org.rs