Познат е фактот дека за многу бисексуалци, постои дополнителен стрес од тоа да се биде во релација, заради потребата од повторно ,,аутирање’’ и повторно објаснување на нивната сексуалност пред извесни групи на луѓе. Така што, некои бисексуалци кои се во релација со партнер од различен пол, често се чувствуваат отуѓени од квир просторот, додека пак тие кои се во релација со партнери од ист пол не се чувствуваат целосно признаени кога станува збор за нивната сексуалност.
Со овие би-приказни, ќе се обидеме да го отвориме или затвориме прашањето за тоа дали сексуалната ориентација е пресудна за да се биде во одредена врска, независно дали истата е полигамна, брачна заедница, партнерство или слично.
Ејприл, 45, Ајова: Мојата сексуалност е битна за мене, секогаш. Чувствувам за сходно секогаш да биде јасно изнаснета мојата сексуалност. Оттука, мојата релација не ја дефинира мојата сексуалност.
Јан, 51 и Хеу, 51, Калифорнија: Секако, не сум мртовец, се’ уште жените ми се привлечни. Заради мојата окупација со пишувањето, тоа е значајно. Дополнително, јас и мојот сопруг сме би-активисти, тој има основано би-група за интеракција која се среќава еднаш месечно веќе 20 години. А јас ја добив наградата за литература Lambdia, а исто така објавувале мои текстови во Bi Women’s Quarterly, Bi Magazine, Bi Tribune, The Fence, Anything That Moves.
Елиза, 55, Калифорнија: Бисексуалците треба да бидат ,,аутирани’’ и видливи. Многу луѓе, вклучувајќи не’ и нас самите, го форсираме заклучокот дека сме геј, бисексуалци, лезбејки, стрејт според очиглениот пол на нашиот партнер.
Робин, 55, Масачусетс: Мојата сексуална ориентација е независна од моето поведение во конкретни моменти од мојот живот. Бев бисексуалец од 18 до 23 години, додека бисексуалноста постоеше само во мојата глава и се’ додека бев само во моногамни врски. Потоа, повторно се чувствував како бисексуалец додека апстинирав од секс и романтични врски. И сега се чувствувам како бисексуалец, додека сум во оваа 17-годишна врска со жена.
Леа, 22, Колорадо: Се’ уште е значајно тоа за мене, иако сум во врска со маж. Сакам да знам дека луѓето ме разбираат и разбираат што е бисексуалност, и мислам дека медиумското претставување е многу значајно. Сакам да постои еднаквост на сите фронтови и да не постојат табуа во однос на сексуалноста.
Дејв, 27, Шкотска: Општеството е се’ уште во стигма, иако некои работи се менуваат. Проблемот со бисексуалноста е што ,,аутирањето’’ е постојан процес. Мојата сопруга е стрејт жена, и нашето појавување во јавноста е појавување на стрејт пар. Но секогаш сум на линија на одбрана на припадниците на ЛГБТ заедницата.
Плавата боја од знамето на бисексуалците значи привлечност кон различниот пол, розевата значи привлечност кон истиот пол, пурпурната (или комбинацијата од двете претходни бои) претставува привлечност кон двата пола – бисексуалност, но оваа боја го има истовремено и значењето за различна сексуална ориентација.
Извор: http://www.advocate.com/
