Џони деп се гордее со неговата ќерка и нејзиниот јавен ангажман за застапување на ЛГБТ луѓето

Актерот Џони Деп, гордо проговори за супер-силната врска со неговата ќерка.

На почетоко од ова година, моделот, актерката и ќерка на Деп, Лили Роз јавно ја изрази својата сексуална ориентација, со тоа што учествуваше во проектот “Self-Evident“.

Овој проект имаше за цел да ја промовира општествената инклузија и прифаќањето на ЛГБТ луѓето во Америка.  

И покрај тоа што таа не ја изрази децидно својата ориентација како лезбејска или бисексуална, нејзиниот гест беше топло препознаен од колегите, особено заради одлуката да се сподели своето лично искуство, со цел да се помогне на другите и справувањето со сексуалноста. И покрај тоа што со овој гест, моделот и актерката ќе придобие многу нови поддржувачи, сепак мислењето на нејзиниот татко и понатаму останува на прво место.

Деп неодамна проговори за неговата родителска улога и релацијата со Лили, како и за тоа дека знаел за нејзината сексуална ориентација, долго пред таа да се „аутира“ јавно.

„Таа има многу следбеници на социјалните мрежи, и повеќето беа изненадени кога го соопшти тоа“ вели Деп за Daily Mail. „Но тоа не беше изненадувачки за мене, бидејќи ние зборуваме за многу работи, таа не се плаши да сподели со мене“ дополнува Деп.

Сакајќи да упати на зрелоста на Лили, Деп изјави: „Лили навистина може да биде во заедништво, таа е бистро дете и едно од најпаметните суштества што сум ги запознал во животот. Таа ме надминува мене и моите пријатели“. Сепак, тој истакнува дека ќе се грижи за неа, независно од нејзината возраст и дека таков е односот на таткото-и-ќерката.

„Таа има сензитивна глава на нејзините рамења. И можам да верувам дека ќе води сензитивен, одговорен живот, но и понатаму не можам да го видам моментот на мое целосно изземање, кога ја оставам сама да го направи својот животен пат“ нежно заклучува Деп.   

Извор: www.pinknews.co.uk